BlogVrian

Saturday, January 24, 2009

Grammeydys y Ghaelg

Lhisagh y title ve 'Grammeydys ny Gaelgey'? Dy firrinagh, cha nel y gienneydagh jeh 'Gaelg'/'Gailck' ry gheddyn ayns stoo va screeut ayns ny eashyn hie shaghey. Er lhiam dy daink 'Gaelgey' rish tra screeu yn Arrymagh Robert Thomson 'Dy bishee ad tushtey ny Gaelgey!' ec jerrey yn roïe-raa tra ren eh 'First Lessons in Manx' liorish Goodwin ass y noa sy vlein 1965. Yn oyr dy vel mee screeu mychione y chooish shoh, shen dy vel tooilley sleih screeu ayns Gaelg nish (booise da Jee) as paart jeu gaavioghey reddyn sy Ghaelg hie magh ass çhengey yn theay foddey er dy henney. Er aght ennagh, ta shoh ny red feer vie. Er aght elley, shegin dooin ve kiarailagh nagh jeanmayd croo stoo sy ghrammeydys nagh row rieau ayn.

Ta treealtys er ny chur roish nish dy reaghey çhaglymyn dy resooney cooishyn grammeydys sy Ghaelg - treealtys feer vie. Cha nel caaghyn dy liooar er ve ec Gaelgeyryn cooishyn myr shoh y resooney choud as shoh. Myr sambyl jeh red lhisagh shin resooney, ta shen y keintys jeh ennymocklyn. Roish shoh, cha nel y chooish shoh er voirey orrin monney. Agh nish t'ee çheet dy ve speeideilagh. 

4 Comments:

At 3:45 PM, Blogger J said...

S'feer shen, nish dy vel shin croo focklyn noa dy tappee, er lheh. S'aashagh eh goaill fockle noa erbee as jannoo myr t'eh firrinagh, er y fa nagh vel briwnys elley jeant ain. Agh veagh shen ceau keintys magh ass y çhengey fy yerrey, s'cosoylagh, as ta keintys ny hro vunneydagh "ny Gaelgey". Ny yei... mannagh vees eh CnG vees croo dy chooilley fockle noa, quoi vees y briwnys er keintys ny focklyn elley? She cooish doillee t'ayn.

As cre mysh cummaghyn yl-rey ny focklyn noa? Shen cooish elley.

(Shimmin Beg)

 
At 5:05 AM, Blogger Gael gan Náire said...

Vel Conversation Manx er an Internet?

Gura mie eu.

 
At 5:06 AM, Blogger Gael gan Náire said...

Vel Conversation Manx er an Internet?

Gura mie eu.

 
At 5:06 AM, Blogger Gael gan Náire said...

Vel Conversation Manx er an Internet?

Gura mie eu.

 

Post a Comment

<< Home